کراچی : ایم کیو ایم کے رہنما خواجہ اظہار نے کہا ہے کہ بھٹو کے قوانین پر بھی عمل نہیں ہورہا، شہر میں دوسری زبانیں بولنے والے لوگ ختم ہوگئے کیا؟ یہاں پختون، بلوچ سب زبانیں بولنے والے موجود ہیں۔ بھرتیاں صرف سندھی بولنے والوں کی ہو رہی ہیں۔ تفصیلات کے مطابق ایم کیو ایم کے رہنما خواجہ اظہار کا میڈیا سے گفتگو کرتے ہوئے کہنا تھا
کہ غیر قانونی بھرتیاں نہ کریں غریب لوگوں کا نقصان ہوگا، ہمیں عدالتوں سے پوری امید ہے انصاف ہوگا۔ ہمیں دس کیسز کرنے پڑے تو کریں گے، جنہوں نے معاشی قتل عام کیا ہے انہیں نہیں چھوڑیں گے ،
پورے سندھ کو سولر بجلی بلا معاوضہ دینے کی قرارداد پیش کی تھی، قرار داد سب نے پاس کی، سولر انرجی پر رعایت کا معاملہ آیا تو کراچی، حیدر آباد کو غائب کر دیا۔ صحافیوں کے بل پر کراچی پریس کلب کو شامل نہیں ہونے دیا گیا۔ کراچی، حیدر آباد سے اتنی نفرت ہے
تو طے کرلیں سندھ میں ہوگا کیسے گزارا؟ میں چار سال اپوزیشن لیڈر رہا اور یہی ہمیشہ کہا اس طرح زیادتی نہ کریں، صوبہ ہم نہیں بنا رہے پیپلز پارٹی خود بنا رہی ہے۔