کراچی؛سندھ حکومت کے ترجمان مشیر قانون، ماحولیات و ساحلی ترقی بیرسٹر مرتضی وہاب نے کہاہے کہ پاکستان میں لاتیں مارنے والی ایک ہی جماعت ہے جس سے سب واقف ہیں۔ سندھ اسمبلی میں پی ٹی آئی نے دانستہ ماحول کو خراب کیا۔ وہ بدھ کو گورنمنٹ ایلیمنٹری کالج آف ایجوکیشن میں اربن فاریسٹ کے افتتاح کے موقع پر میڈیا سے گفتگو کر رہے تھے۔ اس موقع پر گلوکار شہزاد رائے، ڈی سی سینٹرل، اربن فاریسٹ کے مسعود لوہار اور دیگر بھی موجود تھے۔ یہ منصوبہ پبلک پرائیویٹ پارٹنر شپ کے تحت شروع کیاگیاہے۔
بیرسٹر مرتضی وہاب نے شہزاد رائے کے ساتھ ملکر اربن فاریسٹ کا افتتاح کیا۔ اس موقع پر انہوںنے کہاکہ پورے شہر اور صوبے بھر میں شجرکاری کریںگے اور سرسبز سندھ بنائیںگے۔ معروف سنگر شہزاد رائے نے کہاکہ مرتضی وہاب کا شکر گزار ہوں جن کی کاوشوں سے یہ پہلا پبلک پرائیویٹ پارٹنر شپ پروگرام ہے، ہماری کوشش ہے کہ اچھے ٹیچرز تیار ہو۔
بیرسٹر مرتضی وہاب نے کہاکہ یہاں کھڑا ہوکر شاید آپ کو یقین نہیں آرہاکہ یہ کراچی شہر ہے، پبلک پرائیویٹ پارٹنر شپ کا سندھ حکومت نے شروع کیا، ہمارے مستقبل کے معماروںکو تیار کرنے کیلئے ٹرینڈ ٹیچر آئیںگے۔ سندھ اسمبلی میںگزشتہ روز ہونے والا واقعہ افسوسناک ہے، سندھ اسمبلی میںکسی ممبر کے داخلے پر پابندی نہیں تھی۔
انہوں نے مزید کہا کہ بلاول بھٹو نے بھی اسمبلی میںکہاکہ اگر اسپیکر صاحب اراکین پر پابندی عائد کرتے ہیں تو اسکا یہ مطلب نہیںکہ گیٹ پھلانگ کر داخل ہوجائیں، حلیم عادل شیخ چاہتے یہی تھے کہ اسمبلی کا ماحول خراب ہو،کئی ایسے اراکین ہیں جن کو بات کرنے کا موقع نہیں ملا۔ لاتیں مارنے والی ایک ہی جماعت ہے جسے سب جانتے ہیں۔
بیرسٹر مرتضی وہاب نے کہاکہماضی میں بنائی گئی پالیسیوںکا ذمہ دار پیپلزپارٹی کی حکومت کو نہ ٹہرایا جائے، سال دو ہزار چار، پانچ میں شہر میںکمرشلائزیشن پالیسی کے نتیجے میں ہونے والی تعمیرات کو سال دو ہزار اکیس میںگرا دینا مناسب نہیں ہے جس طرح اسلام آباد میں ون کانسٹیٹیوشنل ایونیو کو انسانی ہمدردی کی بنیادوں پر ریگولرائز کیا اسی طرح کراچی میں بھی فیصلے لینے کی ضرورت ہے۔
بیرسٹر مرتضی وہاب نے کہاکہنسلہ ٹاور ہو یا الہ دین پارک کا مسئلہ، ان مشکل حالات میں شہریوں سے انکا روزگار چھیننا مسئلے کا حل نہیں ہے، ہم سب کو مل بیٹھ کر اس تنازع کا حل نکالنا ہوگا۔ نسلہ ٹاور پیپلز پارٹی کا پیدا کردہ نہیں، سندھ حکومت متاثرین کو تنہا نہیں چھوڑیگی، انہیں متبادل فراہم کرنے کیلئے اقدامات اْٹھا رہے ہیں۔
بیرسٹر مرتضی وہاب نے کہاکہاورنگی ٹاؤن کے متاثرین کو بھی متبادل جگہ فراہم کی جائیگی، اسکا تعین انکوائری کمیشن کریگا۔پیپلز پارٹی کا منشور ہے روٹی کپڑا اور مکان یہ وہ لوگ ہیں جنہوں نے ماضی کے سرکاری افسران پربھروسہ کر کے اپنی جمع پونجی لگائی اب ان سے انکی چھت چھین لینا ٹھیک نہیں۔ پیپلز پارٹی کا جب سلوگن ہی گھر دینا ہے محترمہ بینظیر بھٹو نے کہا تھا عدالتی فیصلے حائل ہوتے ہیں لیکن راستہ نکالنا پڑتا ہے۔
بیرسٹر مرتضی وہاب نے کہاکہ سندھ حکومت نے یہ فیصلہ کیا ہے کہ ان لوگوں کو متبادل زمین دی جائے جو لوگ متاثر ہو رہے ہیں وہ بھی ہمارے لوگ ہیں، انہیں گرانے کی بات نہ کریں بلکہ تعمیرکی بات کریں۔ کمیشن کے سامنے لوگ اپنی بات رکھیں۔ بلاول بھٹو زرداری جو بات کرتے ہیںکہ روٹی کپڑا اور مکان تو بلاول صاحب اس بات پر یقین بھی رکھتے ہیں۔