آزادی اللہ کی ان گنت نعمتوں میں سے ایک نعمت ہے، آفاق احمد

تحریک پاکستان کی مخالفت کرنے والے خاندان بلاشرکت ملک کے مالک بنے بیٹھےہیں 

قیام پاکستان کی مخالفت کرنے والے بزرگوں کی قربانیوں پر اانگلیاں  اٹھا رہے ہیں ، پیغام

کراچی؛مہاجر قومی موومنٹ ( پاکستان) کے چیئرمین آفاق احمد نے کہا ہے کہ آزادی اللہ تعالیٰ کی ان گنت احسانات میں سے ایک احسان ہے جس کےلئے اللہ کا جتنا شکر ادا کیا جائے اور اسکی جتنی قدر کی جائے کم ہے۔

اس آزادی کی اہمیت وہی جانتا ہے جس نے اسکی قیمت ادا کی ہو، میرا ملک ایسے خاندانوں سے بھرا پڑا ہے جن کا ماضی انگریزیوں کی غلامی اور قیام پاکستان کی مخالفت سے رقم ہے،لیکن آج ایسے ہی تحریک پاکستان کی مخالفت کرنے والے خاندان بلاشرکت میرے اس ملک کے مالک بنے بیٹھے ہیں۔

جشن آزادی کے موقع پر قوم کے نام اپنےپیغام میں آفاق احمد نے کہا کہ ہمارے بزرگ جنہوں نے اپنے خون سے اس آزادی کی قیمت ادا کی اور اپنا سب کچھ چاہے اس میں اورینٹ ائیرلائن ہویا ولی دکن کی دولت۔

لیاقت علی خان کی جائیداد ہو یا رانا لیاقت کو تحفے میں ملنے والا محل، ایک عام آدمی کا قلم ہو یا اسکا ہنر ، دن ہو یا اسکی راتیں سب کچھ اس ملک پر نجھاور کردیا۔

انہوں نے کہا کہ آج ان بزرگوں کی اولادوں کی حب الوطنی پر قیام پاکستان کی مخالفت کرنے والے انگلیاں اٹھا رہے ہیں۔