2مرکزی ملزمان سمیت ایک سہولت کار گرفتار،69لاکھ73ہزار روپے، گاڑی برآمد

کراچی(طاہر تنولی ) رواں سال ہونے والی بینک کی سب سے بڑی چوری میں ایک اور اہم پیش رفت ہوئی ہے۔

ڈسٹرکٹ سٹی پولیس نے اہم ٹیکنیکل اور انٹیلی جنس بیسڈ کارروائی کرتے ہوئے2مرکزی ملزمان سمیتایک سہولت کار کوگرفتارکرلیاہے۔ ملزمان کو پشاور سے گرفتار کیا گیا،

جن میں مرکزی ملزم سلمان اللہ ولد اعزاز اللہ اور محمد امین ولد خلیل اقبال جبکہ سہولت کار ملزم ساجد ولد نور محمد شامل ہے۔ ملزم سلمان اللہ سے30لاکھ8 ہزار روپے برآمد کئے گئے، ملزم محمد امین سے26لاکھ83ہزار روپے برآمد کئے گئے،

ملزم محمد ساجد سے12لاکھ82ہزار روپے برآمد کئے گئے، تینوں ملزمان سے 69لاکھ73ہزار روپے اور لوٹی ہوئی رقم میں سے خریدی گئی گاڑی مالیت10لاکھ 50ہزار روپے برآمد کی گئی، ملزمان سے دیگر مرکزی ملزمان کے متعلق بھی پوچھ گچھ جاری ہے،

کیس میں اب تک16ملزمان گرفتار ہوچکے ہیں،

مجموعی طورپر16 ملزمان سے3کروڑ78لاکھ59ہزار روپے، سونا مالیتی2لاکھ20ہزار، گاڑی مالیتی10 لاکھ50ہزار روپے برآمد کی گئی۔ ملزمان سے مزید تفتیش کا آغازکردیا گیاہے۔