لاڑکانہ (نمائندہ نوائے بروج) سابق پی پی کونسلر کی ملز پر چھاپہ، سیلاب متاثرین کیلئے15 سو زائد خیمے ، راشن سمیت دیگر سامان برآمد، سیشن جج قمبر زاہد میتلو نے نصیر آباد میں پیپلز پارٹی کے سابق کونسلر کی رائس ملز پر چھاپہ مارا، کنٹینر اور گودام سے 1500 سے زائد سرکاری خیمے برآمد کر لئے۔
پولیس کا کہنا ہے کارروائی کے دوران راشن کے تھیلے بھی برآمد کیے گئے، رائس مل میں چھپایا گیا سامان سیلاب متاثرین کے بجائے من پسند افراد کو دیا جانا تھا، برآمد ہونے والا سامان قبضے میں لے کر سرکاری گودام منتقل کردیا گیا،
پیپلزپارٹی کے سابق کونسلر وزیر پھلپوٹو اور گودام کے مالک صدام چند کو پولیس نے گرفتار کرلیا۔ سیشن جج کی ہدایت پر مقدمہ بھی درج کرلیا گیا ۔ معاملے کی انکوائری شروع کر دی گئی ۔