کراچی :صوبائی وزیر اطلاعات شرجیل انعام میمن نے عمران خان کے کراچی میں خطاب پر ردعمل دیتے ہوئے کہا ہے کہ صدر آصف علی زرداری اور پاکستان پیپلز پارٹی پر الزام لگاکر عمران خان اپنا قد بڑھانے کی ناکام کوشش کر رہے ہیں۔
عمران خان پاکستان کے سب سے بڑے ڈاکو ہیں۔ منی لانڈرنگ، فارن فنڈنگ، پشاور بی آر ٹی اور سیکڑوں اسکینڈلز میں یہ سامنے آچکے ہےں۔ کاش عمران خان سے کسی کارکن نے آج پوچھ لیا ہوتا کہ11سو ارب اور262ارب روپے کے کراچی پیکیجز کہاںگئے۔ عمران خان بتا دیں ان کے چار سالہ دور میںکراچی میں کون سا ترقیاتی منصوبہ شروع کیا گیا۔ اب الزامات سے کام نہیں چلے گا۔
ایک مرتبہ مصنوعی طریقہ سے عمران خان کو کراچی کا مینڈیٹ دیا گیا، عمران خان پاکستان کی تاریخ کے ناکام ترین وزیراعظم ثابت ہوئے۔ عمران خان جب اقتدار میں آئے تو پاکستان پر قرضوںکا حجم25ہزار ارب روپے تھا، عمران خان نے اسے4سال میں50ہزار ارب تک پہنچا دیا۔عمران خان معصوم لوگوںکو گمراہ کررہے ہیں۔ ان کے اپنے صدر عارف علوی نے بھی کہہ دیا کہ بیرونی سازش کے بیانیہ کے وہ قائل نہیں۔پاکستان کا ہٹلر اب اپنے قریبی رفقا کی بات بھی نہیں سنتا، بہت لوگ اس کو چھوڑ چکے ہیں،
بہت سے ان سے کنارہ کشی کرنے والے ہیں۔ صوبائی وزیر نے کہا کہ عمران خان کے لانگ مارچ کے اعلان کی تیاریاں طویل ہوتی جارہی ہیں، ابھی تو10،12اضلاع میںکارکنان سے حلف لیا ہے۔ جب یہ پورے پاکستان میں کارکنان سے حلف برداری کی تقاریب مکمل کریںگے تو اگست2023آجائے گی۔